Psa 13 | WNC | STEP | Buyambam tapa, zaapduknga gata nae gatuka natapsa? Asikaya gata nae asinggan asinggan apbotanggayak, ba dasing? Tapduu zagwene na nandutewi gatane nomba takusopunggayau gatu gandupit?

Psalms 13

Devitda kau aaknga matakut.

1 Buyambam tapa, zaapduknga gata nae gatuka natapsa? Asikaya gata nae asinggan asinggan apbotanggayak, ba dasing?
Tapduu zagwene na nandutewi gatane nomba takusopunggayau gatu gandupit?
2 Tapduu zagwene gata meya nata musipmaatangu gwaamukgat taknga sandekngamuya?
Kwakngaom ba zikaa datdasing siwana musipmaatang meya nataau yuwik?
Tapduu zagwene gata gatangami na iwande gepbiatang yuwau teke gatu dua yuwit?
3 Buyambam tapa, ga natane Anutuna. Ga nae asiknga natanggamatake natane tumuk wamae natapso.
Natake gata gatangami nata dua kupit.
4 Gatangami dua kupa kake iwanata anzingu dua yaning, “Ninda i gwa yapbikamang,” ngangu dua yaning.
Aho, iwanata dua yake nata pimambitde dua baknganing.
5 Siwan ngana gata musip kwikwiu nae asinggan natangamuya ngangu atnataat.
Siwan gata na gatuka tapi take yuatde apbaknganggat.
6 Ngan, nata kau Buyambam tapatane umana yatangenatnanggengu ataiwit.
Dasingge, ita nae take siknga tasingamukut.